सही ब्रा कस्ता हुन्छन,कुन उमेरमा कस्तो ब्रा लगाउने

महिलालाई सुन्दर देखाउन उसको वक्षस्थले महत्वपूर्ण भुमिका खेलेको हुन्छ । वक्षस्थल आकर्षक तथा स्वस्थ्य राख्नका लागि हामीले लगाउने ब्रामा भर पर्छ । कतिपय अवस्थामा ब्रा लगाउन नमिल्दा हामीलाई विभिन्न समस्या आउन सक्छ । जस्तो छाती दुख्ने, गर्धन दुख्ने, ढाँड दुख्ने , कुम दुख्ने,स्तन कोषिकालाई हानी पुरयाउने, शरीरमा असहज हुनुको साथै चिलाउने र दुख्ने लगायतका समस्या हुन सक्छन ।

सबै महिलाले ब्रा लगाएपछि वक्षस्थल सुन्दर र आकर्षक तथा स्वास्थ्य भएको अनुभव गर्छन । व्युटिसियन आरती शाक्यले दिएका ब्रा सम्बन्धी केही टिप्सः

किशोरी अवस्थादेखि नै ब्रा लगाउनुपर्छ । यस अवस्थामा स्तनको विकास हुने भएकाले धेरै कसिने र तारयुक्त ब्रा लगाउनु हुँदैन । बरु अलि ठुलो भए केही फरक पर्दैन । 
प्रत्येक दिन लगाउँदा टिसर्ट ब्रा लगाउनुपर्छ । कुनै पनि व्यायाम गर्दा वा खेल खेल्दा स्पोर्ट्स ब्रा लगाउँदा सजिलो हुन्छ । 

1. कुनै पनि पार्टीमा जाँदा पुस अप ब्रा लगाएर यसले स्तनलाई माथि उठाएर शरीरलाई हट एन्ड सेक्सी लुक दिन्छ । 
2. गर्भवती भएको तीन महिनासम्म सामान्य ब्रा नै लगाए हुन्छ । तर यसपछि भने म्याटरनिटी ब्रा लगाए राम्रो हुन्छ । 
3. गर्भवती अवस्थामा तार भएको टाइट ब्रा लगाउनुहुन्न । 
4. सुत्केरी अवस्थामा पनि क्लिप फुकालेर दुध खुवाउन मिल्ने ब्रा लगाउनुपर्छ । 
5. ब्रा किन्दा राम्रोभन्दा पनि सजिलो र आडिलो रोज्नुपर्छ । त्यसैगरी आफ्नो स्तनको कप साइजमा पनि ध्यान दिनुपर्छ । 
6. ब्राको फित्ता बढी कस्सिएमा पाखुरा झमझम हुने, नीलो डाम बस्ने, ढाड दुख्ने हुनाले नरम फित्ता भएको रोज्नुपर्छ । 
7. ठुला स्तन हुनेहरुले मोटो फित्ता भएको ब्रा लगाउँदा यसले बढी आड दिन्छ । 
8. संवेदनशील छालामा ब्रा लगाउँदा चिलाउने र पोल्ने भएकाले सकेसम्म कटनकै ब्रा रोज्नु राम्रो हुन्छ । कसैको निप्पल ठुलो भएर ब्रा लगाउँदा पनि बाहिर आकार देखिन्छ भने पहिले निप्पल सिल लगाएरमात्रै ब्रा लगाउनुपर्छ ।